მშრომელთა საერთაშორისო დღის აღსანიშნავი აქციის შემდეგ, ათენის ცენტრში მცირე არეულობები მოხდა. ინფორმაციას ამის შესახებ ადგილობრივი მედია ავრცელებს.
ათენში დღეს სამი მიტინგი ჩატარდა კომუნისტური პროფკავშირის "გენერალური საბრძოლო ფრონტის" (PAME), საჯარო სექტორის მუშაკთა პროფკავშირის ADEDY და ექსტრაპარლამენტარული მემარცხენე პარტიებისა და ორგანიზაციების.
აქციის დასრულების შემდეგ, დაუდგენელმა პირებმა საბერძნეთის ბანკის შენობას საღებავები და ქვები დაუშინეს, შემდეგ კი პოლიციას სამი მოლოტოვის კოქტეილი ესროლეს, სამართალდამცავებმა ცრემლსადენი გაზით უპასუხეს.
