საფრანგეთის პრეზიდენტმა, ემანუელ მაკრონმა განაცხადა, რომ მისი მთავრობის ვაქცინაციის სტრატეგია, მათი ყოველდღიური ცხოვრების გართულების გაგრძელებით, არავაქცინირებული ადამიანების "გაბრაზებაა". Report.ge-ს ცნობით, ამის შესახებ The Guardian წერს.
"ფრანგების გაბრაზებას არ ვაპირებ... მაგრამ რაც შეეხება აუცრელებს, მათი გაბრაზება ძალიან მინდა და ამას ბოლომდე გავაკეთებთ. ეს არის სტრატეგია.
ზეწოლას ვახდენთ არავაქცინირებულებზე, მაქსიმალურად ვუზღუდავთ მათ სოციალურ აქტივობებზე წვდომას. მათ უნდა ვუთხრათ: 15 იანვრიდან რესტორანში წასვლას ვეღარ შეძლებთ. ყავის დასალევად ვეღარ წახვალ; თეატრში ვეღარ წახვალ. კინოში წასვლა აღარ შეგიძლიათ.
როდესაც ჩემი თავისუფლებები სხვის თავისუფლებას ემუქრება, მე უპასუხისმგებლო ვხდები. ვინმე უპასუხისმგებლო კი მოქალაქე არ არის”, - განაცხადა მაკრონმა.
პრეზიდენტის თქმით, საფრანგეთმა ვაქცინაციის უფლების მქონე თითქმის 90% აცრა და "მხოლოდ ძალიან მცირე უმცირესობას ეყრდნობა". მაკრონმა აღნიშნა, რომ საფრანგეთი ამ უმცირესობას კიდევ უფრო ამცირებს, რაც მას "კიდევ უფრო აბრაზებს".
ამჟამად ქვეყნის პარლამენტი განიხილავს კანონპროექტს, რომლის თანახმად სამედიცინო პასპორტის მისაღებად ტესტის პასუხი აღარ იქნება საკმარისი და მას მხოლოდ აცრილები მიიღებენ.
ცნობისთვის, 16 დეკემბერს მაკრონმა განაცხადა, რომ COVID-19-ის საწინააღმდეგო ვაქცინაცია, შესაძლოა, საფრანგეთში სავალდებულო გახდეს.
