ავღანეთის ჰელმანდის პროვინციაში ორ აფეთქებას სულ მცირე 13 სამხედრო და პოლიციელი ემსხვერპლა. ინფორმაციას ამის შესახებ სააგენტო Xinhua ავრცელებს.
ჰელმანდის პროვინციაში ბლოკპოსტთან დანაღმული ავტომობილი აფეთქდა. ინციდენტის შედეგად სულ მცირე 8 ავღანელი ჯარისკაცი დაიღუპა. ორს ამ დრომდე ეძებენ. მომხდარზე პასუხისმგებლობა რადიკალურმა მოძრაობამ "თალიბანი" აიღო.
მანამდე კიდევ ერთი აფეთქება სანგინის რაიონში მდებარე საკონტროლო-გამშვებ პუნქტთან მოხდა. ინციდენტის შედეგად 5 პოლიციელი დაიღუპა და 5 დაშავდა. აფეთქების მიზეზები ჯერჯერობით უცნობია.