აშშ-ში, ალასკის სამხრეთ დასავლეთ ნაწილში მსუბუქმა ერთმოტორიანმა თვითმფრინავმა Piper PA32 კატასტროფა განიცადა. დაიღუპა ბორტზე მყოფი ხუთივე ადამიანი. ტრაგედიის გამომწვევი მიზეზები ჯერჯერობით უცნობია.
თვითმფრინავში პილოტი და 4 მგზავრი იმყოფებოდა. ისინი ბერინგის ზღვის სანაპიროზე, პატარა სოფელ კიპნაკში მიფრინავდნენ. გაფრენიდან ორი საათის შემდეგ, როდესაც თვითმფრინავის დაგვიანების შესახებ შეტყობინება შევიდა, შემთხვევის ადგილას ეროვნული გვარდიის სამაშველო ვერტმფრენი გაგზავნეს. მათ თვითმფრინავისა და ყველა მგზავრის დაღუპვის ფაქტი დაადასტურეს.
მედეა ცხოვრებაძე
ავტორი