ავსტრალიაში კონორავირუსის პირველი შემთხვევა დაფიქსირდა. დაავადებულია მელბურნის მოქალაქე, რომელიც ჩინეთიდან ორკვირიანი მოგზაურობის შემდეგ ახლახანს დაბრუნდა.
აღნიშნული პირი სიმპტომების აღმოჩენისთანავე იქნა იზოლირებული.
შეგახსენებთ, ახალი სამხრეთი უელსის ჯანდაცვის დეპარტამენტის განცხადებით, სპეციალისტები კორონავირუსის 5 შესაძლო შემთხვევას იკვლევდნენ. შესაძლოა ავსტრალიაში ინფიცირებულთა რაოდენობა გაიზარდოს.
შემთხვევები დაფიქსირებულია ტაილანდში, იაპონიაში, სამხრეთ კორეაში, აშშ-ში, ჰონგ-კონგში, ტაივანში, მაკაოში, საუდის არაბეთში, სინგაპურში.
ახალი ტიპის პნევმონია ჩინეთში გასული წლის დეკემბრის დასაწყისში გამოვლინდა. 7 იანვარს ჩინელმა სპეციალისტებმა დაადგინეს ვირუსის გამომწვევი მიზეზი - ეს კორონავირუსი 2019-nCoV-ია. ჩინეთის ხელისუფლების წარმომადგენლების თქმით, კორონავირუსმა შესაძლოა, მუტაცია განიცადოს და უფრო ფართოდ გავრცელდეს.