ავსტრიაში, ქალაქ ვენაში თავდამსხმელთა ჯგუფმა ერთ დღეში სამი ბანკის ინდივიდუალური სეიფები გაძარცვა. ამის შესახებ ადგილობრივი მედია იუწყება.
პოლიცია მიიჩნევს, რომ ძარცვა ექვსკაციანმა ჯგუფმა ჩაიდინა. ბანკებში დამონტაჟებულ უსაფრთხოების კამერებზე ჩანს, თუ როგორ ტოვებენ მძარცველები შენობას შავი ხელჩანთებითა და ზურგჩანთებით.
ამ დროისათვის უცნობია, თუ როგორ მოახერხეს დამნაშავეებმა უსაფრთხოებისა და დაცვის სისტემის გვერდის ავლა. ასევე დაუდგენელია, საცავებიდან მოპარული თანხის ოდენობა.
ადგილობრივი მედიის ცნობით, მძარცველები შემთხვევის ადგილიდან მიიმალნენ. სამართალდამცავები დამნაშავეების იდენტიფიკაციას ცდილობენ.
