აზერბაიჯანის პრეზიდენტის, ილჰამ ალიევის განკარგულებით, თურქეთში ტყის ხანძრების ქრობისთვის დახმარების ბრიგადები გაიგზავნა. ამის შესახებ აზერბაიჯანის პრეზიდენტის მრჩეველმა, ჰიქმეთ ჰაჯიევმა განაცხადა.
მისი თქმით, აზერბაიჯანის პრეზიდენტმა შესაბამისი დავალებები უკვე მისცა ქვეყნის პრემიერ-მინისტრსა და საგანგებო სიტუაციების მინისტრს.
”შესაბამისი სახელმწიფო სტრუქტურები დაუკავშირდნენ თურქულ მხარეს და უმოკლეს დროში სახანძრო ჯგუფები გაიგზავნება მოძმე ქვეყანაში”, - აღნიშნა ჰაჯიევმა.
ცნობისთვის, სამხრეთ თურქეთში მასშტაბური ტყის ხანძრების შედეგად დაღუპულთა რიცხვი ოთხამდე გაიზარდა.
