"აზერბაიჯანი მტკიცედ უჭერს მხარს უკრაინის ტერიტორიულ მთლიანობასა და სუვერენიტეტს საერთაშორისოდ აღიარებული საზღვრების ფარგლებში", - ნათქვამია აზერბაიჯანის საგარეო საქმეთა სამინისტროს ოფიციალურ განცხადებაში.
"ჩვენ მაღალ შეფასებას ვაძლევთ იმ ფაქტს, რომ უკრაინის უსაფრთხოების ახალ კონცეფციაში აზერბაიჯანი ხაზგასმულია, როგორც ქვეყნის ერთ-ერთი სტრატეგიული პარტნიორი. ჩვენ ვგეგმავთ გავაღრმავოთ სტრატეგიული პარტნიორობა და მეგობრობა უკრაინასთან",- ნათქვამია განცხადებაში.
უკრაინამ ქვეყნის უსაფრთხოების ახალი სტრატეგია ამ დღეებში დაამტკიცა. დოკუმენტში აზერბაიჯანი მოხსენიებულია, როგორც ქვეყნის სტრატეგიული პარტნიორი. სტრატეგიული პარტნიორების ჩამონათვალში აზერბაიჯანთან ერთად შედიან საქართველო, თურქეთი, ლიტვა და პოლონეთი.
მედეა ცხოვრებაძე
ავტორი