სომხეთის შეიარაღებული ძალების მიერ განჯას დაბომბვის შედეგად გარდაცვლილთა რიცხვი გაიზარდა, - ინფორმაციას ამის შესახებ აზერბაიჯანის გენერალური პროკურატურა ავრცელებს.
მანამდე უწყებამ განაცხადა, რომ განჯის დაბომბვას 9 ადამიანი ემსხვერპლა, რომელთა შორის 4 ქალია.
აზერბაიჯანის გენერალური პროკურატურის ცნობით, საავადმყოფოში კიდევ ერთი დაჭრილი ქალი გარდაიცვალა, ამრიგად გარდაცვლილთა რიცხვი 10-მდე გაიზარდა.
-13:01-
აზერბაიჯანის გენერალური პროკურატურა მშვიდობიან მოსახლეობაში დაღუპულთა და დაშავებულთა შესახებ ახალ ინფორმაციას ავრცელებს.
უწყების ცნობით, მთიანი ყარაბაღის კონფლიქტის ზონაში სომხეთის სამხედრო მოქმედებების შედეგად 41 ადამიანი დაიღუპა, 207 დაიჭრა.
მნიშვნელოვნად დაზიანდა 148 სამოქალაქო ობიექტი, 57 მრავალსართულიანი საცხოვრებელი კომპლექსი და 1 185 კერძო სახლი.
