აზერბაიჯანის თავდაცვის სამინისტროს განცხადებით, აზერბაიჯანის არმიის საჰაერო ძალების მიერ სომხეთის კაფანის რაიონის ერიცვანკსა და არცვანიკის დასახლებების დაბომბვის შესახებ ინფორმაცია სიმართლეს არ შეესაბამება.
"აზერბაიჯანის თავდაცვის სამინისტრო კატეგორიულად უარყოფს ამ ცნობებს. კიდევ ერთხელ ვადასტურებთ, რომ აზერბაიჯანის არმიას სომხეთის დასახლებული პუნქტებისათვის ცეცხლი არ გაუხსნია. ამ ტიპის სიახლეები სომხეთის განზრახი პროვოკაციაა", - ნათქვამია განცხადებაში.
