აზერბაიჯანის თავდაცვის სამინისტროს ინფორმაციით, ქვეყნის საჰაერო თავდაცვის ქვედანაყოფებმა 17 ოქტომბერს, 11:11 საათზე სომხეთის შეიარაღებული ძალების სუ-25-ის ტიპის ვერტმფრენი გაანადგურეს, რომელიც ჯებრაილის რაიონის მიმართულებით, აზერბაიჯანის არმიის ქვედანაყოფების პოზიციებზე საჰაერო იერიშს ანხორციელებდა.
10:30
სომხეთის შეიარაღებული ძალები ბარდას, აღდამის, ტერტერისა და აღჯაბედის რაიონების სოფლებს ბომბავს, რითიც არღვევს შეთანხმებას ცეცხლის შეწყვეტის შესახებ, - ამის შესახებ აღნიშნულია განცხადებაში, რომელსაც აზერბაიჯანის თავდაცვის სამინისტრო ავრცელებს.
უწყების ინფორმაციით, 16 ოქტომბრის დღისა და 17 ოქტომბრის ღამის განმავლობაში ოპერაციული სიტუაცია ფრონტის აღდერა-აღდამისა და ფიზული-ჰადრუთი-ჯებრაილის რაიონებში დაძაბული რჩებოდა. აზერბაიჯანის არმიამ სხვადასხვა მიმართულებით წინ წაწევა შეძლო.
"აზერბაიჯანის არმიის მიერ განხორციელებული მოქმედებების შედეგად განადგურდა და და მწყობრიდან გამოვიდა დიდი რაოდენობით ცოცხალი ძალა, 7 ტანკი T-72, 2 BM-21 "Grad", 8 D-30 და 1 D-20 ჰაუბიცა, 10 ერთეული სატვირთო მანქანა საბრძოლო მასალებით და 7 ერთეული სხვა მანქანა.
არსებული ინფორმაციით, საბრძოლო მოქმედებების შედეგად, სომხეთის შეიარაღებული ძალების მეხუთე სამთომსროლელი პოლკის 1-მა ბატალიონმა დატოვა თავისი პოზიციები და დიდი რაოდენობით დაღუპულებით და დაჭრილებით უკან დაიხია", - აღნიშნულია განცხადებაში,
უწყების ინფორმაციით, პოზიციები დატოვა 300-მდე რეზერვისტმაც.
