აზერბაიჯანის თავდაცვის სამინისტროს პრესსამსახური ვიდეოს ავრცელებს, რომელშიც აზერბაიჯანის სამხედროების მიერ, სომხეთის ოკუპაციისაგან გათავისუფლებული, ქალაქი ფიზულის ცენტრში აზერბაიჯანის დროშის აღმართვაა აღბეჭდილი.
-19:01-
აზერბაიჯანის თავდაცვის სამინისტროს პრესსამსახური ვიდეოს აქვეყნებს, რომელშიც, უწყების ცნობით, სომხეთის შეიარაღებული ძალების მიერ, ბრძოლის ველიდან გაქცევის დროს დატოვებული საბრძოლო მასალებისა და ტექნიკის განადგურებაა აღბეჭდილი.
-12:37-
აზერბაიჯანის თავდაცვის სამინისტროს პრესსამსახურის ინფორმაციით, აზერბაიჯანის არმიის მიერ ფიზულის რეგიონში განხორციელებული საომარი მოქმედებების შედეგად, სომხეთის შეიარაღებული ძალების სამხედრო ნაწილი შეიპყრეს.
"სომხეთის არმია იძულებული გახდა იარაღი და სხვა სამხედრო ტექნიკა დაეტოვებინა და გაქცეულიყო. ფრონტის ყველა მიმართულებით უპირატესობას აზერბაიჯანის არმია ფლობს", - ვკითხულობთ აზერბაიჯანის თავდაცვის უწყების განცხადებაში.
