აზერბაიჯანის თავდაცვის სამინისტროს პრესსამსახურის ინფორმაციით, 1 ნოემბერს, 10:00 საათიდან, სომხეთის შეიარაღებული ძალები აზერბაიჯანის ქალაქ ტერტერს, შიჰარჰის დასახლებას, სოფელ გაპანლს, ასკიპარს, საჰლაბადს და იუჰარის სოფლებს ბომბავენ.
-09:58-
სომხეთის შეიარაღებულმა ძალებმა სომხეთ-აზერბაიჯანის სახელმწიფო საზღვარზე, აზერბაიჯანის არმიის ქვედანაყოფების პოზიციების მიმართულებით მძიმე არტილერიიდან, ნაღმტყორცნებიდან და მცირე იარაღებიდან სროლა განახორციელეს, - ამის შესახებ ნათქვამია განცხადებაში, რომელსაც აზერბაიჯანის თავდაცვის სამინისტრო ავრცელებს.
"1 ნოემბრის ღამეს, ბერდის, ჩამბარაკისა და გორისის რეგიონების ტერიტორიიდან, სომხეთის შეაიარაღებულმა ძალებმა აზერბაიჯანის რაიონების, კერძოდ ტოვუზის, გადაბეისა და გუბადლის ტერიტორიებზე განლაგებული აზერბაიჯანის არმიის ქვედანაყოფების პოზიციების მიმართულებით სროლა განახორციელეს", - აღნიშნულია განცხადებაში.
