აზერბაიჯანის პრეზიდენტმა ილჰამ ალიევმა და თურქეთის პრეზიდენტმა რეჯეფ თაიფ ერდოღანმა ტელეფონით ისაუბრეს. ამის შესახებ ინფორმაციას თურქეთის პრეზიდენტის ადმინისტრაციის საზოგადოებასთან ურთიერთობის განყოფილება ავრცელებს.
სატელეფონო საუბრის მიმდინარეობისას, თურქეთის პრეზიდენტმა აღნიშნა, რომ ყარაბაღში აზერბაიჯანის ბრწყინვალე გამარჯვება რეგიონში მშვიდობისა და სტაბილურობის შენარჩუნების ახალ შესაძლებლობებს ქმნის. ერდოღანმა კიდევ ერთხელ ხაზგასმით აღნიშნა, რომ თურქეთი აზერბაიჯანს ყველა სფეროში მხარს უჭერს.
