აზერბაიჯანში გასული დღე-ღამის განმავლობაში კორონავირუსის საწინააღმდეგო ვაქცინაცია კიდევ 27 073 ადამიანს ჩაუტარდა. ამის თაობაზე აზერბაიჯანის მინისტრთა კაბინეტთან არსებულ ოპერაციულ შტაბში აცხადებენ.
ამჟამად, აზერბაიჯანში კორონავირუსზე სულ 390 489 ადამიანია აცრილი.
აზერბაიჯანში COVID-19–ის საწინააღმდეგო ვაქცინაციის პროცესი 18 იანვარს დაიწყო.
აზერბაიჯანმა ჩინური წარმოების ვაქცინის Sinovac 4 მილიონი დოზა შეიძინა. ერთი ადამიანი ვაქცინის ორ დოზას მიიღებს. ვაქცინის მეორე დოზა პირველი დოზის მიღებიდან 21 დღის შემდეგ გაიცემა.
