აზერბაიჯანში კორონავირუსით პირველი პაციენტის გარდაცვალება დაფიქსირდა. ესაა ქალბატონი, რომელის ირანიდან დაბრუნდა და კარანტინში იმყოფებოდა. ამის შესახებ განაცხადეს ვირუსთან ბრძოლის ოპერატიულ შტაბში, რომელიც რესპუბლიკის მინისტრთა კაბინეტთან შეიქმნა.
"მას კორონავირუსის ინფექციის სიმპტომები ჰქონდა გამოვლენილი. ის კარანტინში მოათავსეს, თუმცა მისი გადარჩენა ვერ მოხერხდა", - განაცხადეს შტაბში.
აზერბაიჯანში კორონავირუსით ინფიცირებულთა რიცხვი 15-ს შეადგენს. ერთი ინფიცირებული რუსეთის მოქალაქეა.
