აშშ-ში კორონავირუსით დაღუპული ამერიკელების ხსოვნის პატივსაცემ ცერემონიაში მონაწილეობას აშშ-ის არჩეული პრეზიდენტი ჯო ბაიდენი და მომავალი ვიცე-პრეზიდენტი კამალა ჰარისი მიიღებენ.
ღონისძიება დღეს ვაშინგტონში ქვეყნის მე-16 პრეზიდენტის აბრაამ ლინკოლნის მემორიალთან გაიმართება. 20 იანვრის ინაუგურაციასთან დაკავშირებით, უსაფრთხოების მიზნით, მიმდებარე ქუჩები თავისუფალი გადაადგილებისთვის უკვე დაკეტილია.
ჯონ ჰოპკინსის უნივერსიტეტის მონაცემებით აშშ-ში კორონავირუსით ინფიცირების შემთხვევებმა 24 მილიონს გადააჭარბა. გარდაიცვალა 398 900-ზე მეტი ადამიანი. ინფექციის გავრცელებისა და დაღუპულთა რაოდენობით აშშ მსოფლიოში პირველ ადგილზეა.
