აშშ-ის პრეზიდენტმა ჯო ბაიდენმა სამხრეთ კორეის პრეზიდენტს, მუნ ჯე ინს უმასპინძლა. ამის შესახებ გამოცემა The New York Times წერს.
გამოცემის ცნობით, ორი ქვეყნის მეთაურმა ჩინეთის და ჩრდილოეთ კორეის ბირთვული არსენალი განიხილა.
შეხვედრის მიმდინარეობისას ჯო ბაიდენმა აღნიშნა, რომ სამხრეთ კორეის რესპუბლიკაში აშშ-ის სპეციალურ წარმომადგენელს დანიშნავს.
ბაიდენის თქმით, კორეის ნახევარკუნძულის სრული დენუკლერიზაცია ძალზე რთულია. ამ პრობლემის მოგვარება აშშ-ის ბოლო ოთხმა ადმინისტრაციამ ვერ შეძლო.
შეერთებული შტატები სამხრეთ კორეის ჯარისთვის COVID-19-ის საწინააღმდეგო ვაქცინის ნახევარ მილიონ დოზას გამოყოფს.
