აშშ-ის პრეზიდენტის ჯო ბაიდენის განცხადებით, კორონავირუსის პანდემიასთან დაკავშირებული სიტუაცია უახლოეს თვეებში არ შეიცვლება. ამის შესახებ გამოცემა Fox News წერს.
”მომდევნო რამდენიმე თვის განმავლობაში პანდემიის ტრაექტორიის შესაცვლელად არაფრის გაკეთება შეგვიძლია" , - განაცხადა ბაიდენმა.
ცნობისთვის, ბაიდენი მისი პრეზიდენტობის პირველი 100 დღის განმავლობაში 100 მილიონი ამერიკელის აცრას გეგმავს. ამასთან, ბაიდენმა ომის დროს წარმოების მობილიზაციის შესახებ კანონის ამოქმედებას მოაწერა ხელი, რაც კორონავირუსის წინააღმდეგ ბრძოლაში საჭირო საქონლის დეფიციტის შევსებას ისახავს მიზნად.
ჯონ ჰოპკინსის უნივერსიტეტის მონაცემებით გასული დღე-ღამის განმავლობაში აშშ-ში კორონავირუსით ინფიცირებულთა რაოდენობა 188,9 ათასით გაიზარდა, ხოლო დაავადებას კიდევ 3,9 ათასი ადამიანი ემსხვერპლა. შეერთებულ შტატებში ჯამში COVID-19-ის 24,6 მილიონზე მეტი შემთხვევაა დაფიქსირებული, გარდაცვლილთა რაოდენობა 410 ათასს აჭარბებს.
