აშშ-ის პრეზიდენტმა, ჯო ბაიდენმა განაცხადა, რომ კორონავირუსის პანდემიით გამოწვეული კრიზისის გამო, აშშ-ში 36 მილიონზე მეტი ადამიანი საკვების გარეშე დარჩა და ქვეყნის ეკონომიკა ჯერ კიდევ რთულ მდგომარეობაშია. ამის შესახებ Associated Press წერს.
„ცხადია, ეკონომიკა ჯერ კიდევ რთულ მდგომარეობაშია. 10 მილიონზე მეტი ადამიანი უმუშევარი დარჩა, ხოლო 24 მილიონ ზრდასრულსა და 12 მილიონ ბავშვს საკმარისი საკვები არ აქვს. ამიტომაც საჭიროა სწრაფად ვიმოქმედოთ“, - აღნიშნა აშშ-ის პრეზიდენტმა.
პრეზიდენტმა ასევე აღნიშნა, რომ 15 მილიონი მაცხოვრებელი ქირას დროულად ვერ იხდის.
ბაიდენი აშშ-ს კონგრესს 1,9-ტრილიონიანი ეკონომიკის სტიმულირების პაკეტის მიღებისკენ მოუწოდებს, თუმცა სახელმწიფო ვალის ზრდას რესპუბლიკელი კონგრესმენები ეწინააღმდეგებიან.
