20 იანვარს, აშშ-ის არჩეული პრეზიდენტის, ჯო ბაიდენის ინაუგურაციის ცერემონიაზე ქვეყნის ჰიმნს მომღერალი ლედი გაგა შეასრულებს. ამის შესახებ ინფორმაციას ტელეარხი ABC News ავრცელებს.
როგორც ინაუგურაციის კომიტეტში განაცხადეს, მომღერალი იმღერებს, როდესაც ბაიდენი ფიცს დადებს. ასევე აღნიშნულია, რომ ცერემონიაზე მომღერალი ჯენიფერ ლოპესიც გამოვა. გარდა ამისა, ხაზგასმით აღინიშნა, რომ ორივე შემსრულებელი ადრე არჩეულ პრეზიდენტს უჭერდა მხარს.
