აშშ-ის პრეზიდენტმა ჯო ბაიდენმა ქვეყნის ახალ ადმინისტრაციაში 34 ადამიანი დროებით თანამდებობებზე დანიშნა, სანამ კონგრესი კანდიდატურებს საბოლოოდ დაამტკიცებს.
კერძოდ, დაინიშნენ შუალედური მენეჯერები: სახელმწიფო დეპარტამენტს დროებით უხელმძღვანელებს დენ სმითი; პენტაგონს - დევიდ ნორქუისტი, ფინანსთა დეპარტამენტს - ენდი ბოკოლი, იუსტიციის დეპარტამენტს - მონტი უილკინსონი, სავაჭრო დეპარტამენტს - უინ კოგინსი, CIA-ს - დევიდ კოენი, NASA-ს - სტივ იურჩიკი.
აშშ-ის ელჩად გაერო-ში რიჩარდ მილსი დაინიშნა. მარია პეგანი აშშ-ის სავაჭრო მოლაპარაკებებს უხელმძღვანელებს.
ოთხშაბათს, 20 იანვარს, ბაიდენმა ამერიკის შეერთებული შტატების 46-ე პრეზიდენტის პოსტი ოფიციალურად დაიკავა. მან ინაუგურაციაზე ფიცი კონსტიტუციისა და ქვეყნის წინაშე დადო.
თეკო გიორგაძე
ავტორი