ჯო ბაიდენმა უკრაინისთვის პენტაგონის ბიუჯეტიდან 60 მილიონი დოლარის ფინანსური დახმარების გამოყოფის განკარგულება გასცა.
აშშ-ის პრეზიდენტმა უკრაინისთვის დამატებითი ფინანსური დახმარების გამოყოფის გადაწყვეტილება პრეზიდენტ ვლადიმირ ზელენსკისთან დაგეგმილი შეხვედრის წინ მიიღო. ბაიდენისა და ზელენსკის მოლაპარაკებები ვაშინგტონში 31 აგვისტოს უნდა გაიმართოს.
თეთრი სახლის ინფორმაციით, ვიზიტის დროს დადასტურებული იქნება აშშ-ის ურყევი მხარდაჭერა უკრაინის სუვერენიტეტისა და ტერიტორიული მთლიანობისადმი დონბასსა და ყირიმში.
