აშშ-ის სენატორები პრეზიდენტ ჯო ბაიდენს Nord Stream 2-ის წინააღმდეგ იანვრის თვეში დაანონსებული სანქციების ამოქმედებისაკენ მოუწოდებენ. ამის შესახებ გამოცემა DW წერს.
რესპუბლიკელმა სენატორმა ჯიმ რიშმა და დემოკრატმა ჟან შეიხინმა აღნიშნული მოთხოვნით ბაიდენს წერილი გაუგზავნეს. ხოლო, აშშ-ს სახელმწიფო დეპარტამენტის წარმომადგენელმა ხაზი გაუსვა, რომ გაზსადენის ამოქმედება ევროპისთვის ”ცუდი გარიგებაა”.
შეერთებულ შტატებში აცხადებენ, რომ ახალი გაზსადენი გაზრდის გერმანიის დამოკიდებულებას რუსეთზე, კერძოდ რუსულ გაზზე და ზიანს მიაყენებს უკრაინას.
აშშ-ში "ჩრდილოეთის ნაკადი 2-თან" დაკავშირებით სანქციები, რომლებიც უცხოურ კომპანიებს პროექტის ტესტირებასთან, ინსპექტირებასთან და სერთიფიცირებასთან დაკავშირებული მომსახურების მიწოდებას უკრძალავს, 1 იანვარს დაანონსდა.
"ჩრდილოეთის ნაკადი 2" შენდება რუსეთიდან გერმანიამდე ბალტიის ზღვის ფსკერის გავლით, რამაც რუსეთიდან ევროპაში რუსული გაზის პირდაპირი გზით ტრანსპორტირება უნდა უზრუნველყოს. აშშ, ბალტიის ქვეყნები, პოლონეთი და უკრაინა პროექტს წინააღმდეგი არიან.
