აზერბაიჯანის საგარეო საქმეთა მინისტრმა ჯეიჰუნ ბაირამოვმა აშშ-ის სახელმწიფო მდივნის თანაშემწის მოვალეობის შემსრულებელთან ფილიპ რიკერთან სატელეფონო საუბარი გამართა.
აზერბაიჯანის საგარეო უწყების ცნობით, მხარეებმა რეგიონში არსებული ვითარების, აზერბაიჯანსა და სომხეთს შორის საზღვარზე დაძაბულობის შესახებ მოსაზრებები გაცვალეს.
ბაირამოვმა ხაზი გაუსვა, რომ აზერბაიჯანი რეგიონში დაძაბულობის აღმოფხვრის ერთგულია. მან აღნიშნა, რომ საზღვარზე დაძაბული ვითარების მოგვარების მიზნით, აზერბაიჯანის რესპუბლიკის სახელმწიფო სასაზღვრო სამსახურის ხელმძღვანელობა რამდენიმე საათის განმავლობაში რეგიონში იყო მივლენილი და მეორე მხარესთან მოლაპარაკებები მიმდინარეობს.
