ბაქოში აზერბაიჯანის სამამულო ომში გამარჯვებას მიძღვნილი აღლუმი იმართება.
მას აზერბაიჯანის პრეზიდენტი, შეიარაღებული ძალების მთავარსარდალი ილჰამ ალიევი და თურქეთის პრეზიდენტი რეჯეფ თაიფ ერდოღანი ესწრებიან.
სამხედრო აღლუმში მონაწილეობას 3000-ზე მეტი სამხედრო მოსამსახურე მიიღებს. ნაჩვენები იქნება 150-მდე ერთეული ტექნიკა, მათ შორის უახლესი თანამედროვე სამხედრო ტექნიკა, სარაკეტო და საარტილერიო დანადგარები, საჰაერო თავდაცვის სისტემები, აგრეთვე საბრძოლო გემები და კატარღები.
აღლუმში მონაწილეობას თურქეთის შეიარაღებული ძალების სამხედრო მოსამსახურეებიც მიიღებენ.
}
