აზერბაიჯანის დედაქალაქ ბაქოში გუშინ ღამით ხანძარი გაჩნდა. ამის შესახებ ადგილობრივი საინფორმაციო სააგენტო იუწყება.
ადგილობრივი მედიის ცნობით, ინციდენტი ხატაის რაიონში, ნობელის გამზირზე მოხდა.
გავრცელებული ინფორმაციით, 5 სართულიანი საცხოვრებელი კორპუსის ეზოში, ავეჯის მაღაზიაში, ხანძარი მოულოდნელად გაჩაღდა.
შემთხვევის ადგილზე საგანგებო სიტუაციების სამინისტროს ორი სახანძრო მანქანა იქნა მობილიზებული.
ხანძრის შედეგად აფეთქდა ელექტროგადამცემი ხაზები.
აზერბაიჯანის საგანგებო სიტუაციების სამინისტროს წინასწარი მონაცემებით, ხანძრის მიზეზი სიგარეტის ნამწვი გახდა.
