ბაქოში, საცხოვრებელ სახლში ხანძარი გაჩნდა. ამის შესახებ ინფორმაციას აზერბაიჯანის საგანგებო სიტუაციების სამინისტროს პრესსამსახური ავრცელებს.
უწყების ცნობით, ხანძარი დედაქალაქის საბაილის რაიონში, ნეფთჩილარის გამზირის 83 ნომერში, ოთხსართულიანი საცხოვრებელი სახლის მე -3 სართულზე გაჩნდა.
შემთხვევის ადგილზე საგანგებო სიტუაციების სამინისტროს სახანძრო დეპარტამენტის თანამშრომლები არიან მობილიზებული.
ინფორმაცია დაშავებულთა ან მსხვერპლის შესახებ არ ვრცელდება.