Twitter-ის ადმინისტრაცია განცხადებას ავრცელებს, სადაც აღნიშნულია, რომ მათ დააფიქსირეს მიკრობლოგის ბლოკირების არაერთი მცდელობა ბელარუსში.
„ჩვენ ვხედავთ, რომ ადგილი აქვს Twitter-ის ტროლინგის და ბლოკირების მცდელობას ბელარუსში, რაც დაკავშირებულია არჩევნების შედეგებთან დაკავშირებულ რეაქციასთან. ინტერნეტის გათიშვა ძალიან საზიანო მოვლენაა. ასეთი ქცევა არღვევს ადამიანის ძირითად უფლებებს და ღია ინტერნეტის პრინციპებს“, - აღნიშნულია Twitter-ის განცხადებაში.
შეგახსნებთ, ბელარუსში, საპრეზიდენტო არჩევნებში წინასწარი მონაცემებით, მოქმედმა პრეზიდენტმა ალექსადრე ლუკაშენკომ ხმათა 80,23% მიიღო, მისმა მთავარმა მოწინააღმდეგემ, ოპოზიციონერი ბლოგერის სერგეი ციხანოვსკის მეუღლემ სვეტლანა ციხანოვსკაიამ კი 9,9% .
ოპოზიცია აცხადებს, რომ არჩევნების შედეგები გაყალბებულია და საპროტესტო აქციები მეორე დღეა, არ წყდება.
We're seeing blocking & throttling of Twitter in #Belarus in reaction to protests contesting the election result. #KeepItOn
— Twitter Public Policy (@Policy) August 10, 2020
Internet shutdowns are hugely harmful. They fundamentally violate basic human rights & the principles of the #OpenInternet.https://t.co/DN3pc4TkWC
ანტონ თათვიძე
ავტორი