სერბეთის დედაქალაქ ბელგრადში, პარლამენტის შენობასთან გამართულ საპროტესტო აქციაზე, მომიტინგეებსა და სამართალდამცავებს შორის მომხდარი დაპირისპირების შედეგად 14 პოლიციელი დაშავდა, დაკავებულია 71 ადამიანი.
ადგილობრივი მედიის ინფორმაციით, ვინაიდან სამართალდამცავებმა აქცია ცრემლსადენი გაზის გამოყენებით დაშალეს, შინაგან საქმეთა სამინისტრო პოლიციის მიერ ძალის გადამეტებით გამოყენების ყველა სავარაუდო შემთხვევას ამოწმდებს.
ბელგრადში, ოთხი დღეა მასობრივი საპროტესტო აქციები მიმდინარეობს. აქციის მონაწილეები პრეზიდენტ ალექსანდარ ვუჩიჩის მიერ ეპიდემიის წინააღმდეგ გატარებულ პოლიტიკას ეწინააღმდეგებიან. პრეზიდენტის გადაწყვეტილებით, ქალაქში 10 ივლისიდან 13 ივლისის ჩათვლით კომენდანტის საათი იმოქმედებს.
