ისრაელის პრემიერ-მინისტრი, ბენიამინ ნეთანიაჰუ ომანის ყურეში ისრაელის გემზე მომხდარ აფეთქებაში ირანს ადანაშაულებს.
"ეს ნამდვილად ირანის ოპერაცია იყო. ეს ცხადია", – განუცხადა ნეთანიაჰუმ რადიო "Kan-ს"
ისრაელის კუთვნილ სატვირთო გემზე Helios Ray-ზე, რომელიც სინგაპურისკენ მიდიოდა, პარასკევს აფეთქება მოხდა. გემზე მყოფი ეკიპაჟის წევრებისგან არავინ დაშავებულა. აფეთქების შემდეგ, გემი შესაკეთებლად დუბაის პორტში შევიდა. აფეთქების გამომწვევი მიზეზი ჯერჯერობით უცნობია.