დიდ ბრიტანეთში ნოთინჰემის, ბრისტოლისა და სუონსის უნივერსიტეტის მკვლევარებმა ქალებისა და მამაკაცებისთვის ყოფილი სექსუალური პარტნიორების იდეალური რიცხვი გამოავლინეს.
18-დან 35 წლამდე 800 მამაკაცისა და ქალის გამოკითხვის შედეგად მათ დაადგინეს, რომ ქალებიც და კაცებიც თვლიან, რომ მეუღლისთვის ოპტიმალურია წარსულში სამი სექსუალური პარტნიორის ყოლა.
ამასთან, აღმოჩნდა, რომ მამაკაცი, რომელსაც წარსულში 6 და მეტი პარტნიორი ჰყავდა, ქალებისთვის ნაკლებად მიმზიდველია. მამაკაცები კი უფრო ლოიალურები აღმოჩნდნენ და საშუალოდ განაცხადეს, რომ 11-მდე სექსუალური პარტნიორის ყოლაში ცუდს ვერაფერს ხედავენ.
ამასთან, კვლევის ავტორები დასახელებულ სტანდარტებს თავად ნაკლებად აკმაყოფილებდნენ. მამაკაცებს საშუალოდ 8 პარტნიორი ჰყავდათ, ქალებს კი - 5.
ამასთან გაირკვა, რომ სექსუალურ პარტნიორთა რაოდენობაზე განქორწინების ალბათობაცაა დამოკიდებული.
კერძოდ, ქალები, რომლებსაც ქორწინებამდე სამიდან 9 სექსუალურ პარტნიორამდე ჰყავდა, განქორწინებაზე გაცილებით უფრო იშვიათად მიდიოდნენ, ვიდრე ისინი, ვისაც ერთი-ორი სასიყვარულო რომანი ჰქონდა. ამრიგად, ბრიტანელი მეცნიერების თქმით, გაცილებით უფრო სტაბილურ ოჯახებს ის წყვილები ქმნიან, რომლებსაც წარსულში მეტი პარტნიორი ჰყავდათ.