აშშ-ის სახელმწიფო მდივანი ენტონი ბლინკენი NATO-ს გენერალურ მდივანს, იენს სტოლტენბერგს ტელეფონით ესაუბრა. მოლაპარაკებების დროს მხარეებმა უკრაინის საზღვრებთან რუსი სამხედროების ქმედებები განიხილეს. ამის შესახებ აშშ-ის დიპლომატიური უწყების ოფიციალურმა წარმომადგენელმა, ნედ პრაისმა განაცხადა.
”ბრიუსელში ვიზიტის წინა დღეს, სახელმწიფო მდივანი, ენტონი ბლინკენი NATO-ს გენერალურ მდივანს, იენს სტოლტენბერგს ესაუბრა. მხარეებმა რამდენიმე საკითხი განიხილეს, მათ შორის გადაუდებელი აუცილებლობა, რომ რუსეთმა უკრაინის საზღვრების გასწვრივ და ოკუპირებულ ყირიმში ძალის აგრესიული ზრდა შეაჩეროს”, - აღნიშნულია განცხადებაში.
დღის წესრიგში ასევე ავღანეთის საკითხები და NATO-ს მომავალი სამიტი იყო. მხარეებმა ავღანეთში მშვიდობის დამყარების პერსპექტივებზე ისაუბრეს.