სასამართლომ არ დააკმაყოფილა კომპანია Blue Origin-ის სარჩელი აშშ-ის მთავრობის წინააღმდეგ,რომელიც მან NASA-ს გადაწყვეტილების გამო შეიტანა. ინფორმაციას Space.com ავრცელებს.
კომპანიამ სარჩელი იმის გამო შეიტანა, რომ აშშ-ის აერონავტიკის და კოსმოსური სივრცის კვლევის ეროვნულიმა სამმართველომ NASA-მ მთვარის მოდულის მშენებლობის კონტრაქტი ილონ მასკის SpaceX-ს გადასცა.
მოსამართლის გადაწყვეტილების კომენტირებისას Blue Origin-ის წარმომადგენელმა განაცხადა, რომ სარჩელში კომპანიის მიერ წამოჭრილი საკითხები აუცილებლად უნდა გადაწყდეს.
კომპანიაში ჯერ არ ამბობენ, აპირებენ თუ არა გადაწყვეტილების გასაჩივრებას.
ცნობისთვის, ამერიკელი მილიარდერის, ჯეფ ბეზოსის კომპანიამ Blue Origin აშშ-ის აერონავტიკის და კოსმოსური სივრცის კვლევის ეროვნული სამმართველოს (NASA) სასამართლოში უჩივლა. მიზეზი ის გახდა, რომ სააგენტომ მთვარის მოდულის მშენებლობის კონტრაქტი ილონ მასკის SpaceX-ს გადასცა.
მანამდე მილიარდერმა ბიზნესმენმა ჯეფ ბეზოსმა NASA-ს 2 მილიარდ დოლარამდე ხარჯების დაფარვა შესთავაზა, თუ მისი კომპანია Blue Origin მთვარის დაშვების მოდულის დამზადებაზე კონტრაქტს მიღებს. აშშ-ის მთავრობამ მისი წინადადება არ მიიღო და მთვარეზე გაფრენისთვის კოსმოსური მოდულის შექმნა და მომსახურება SpaceX-ს დაუკვეთა.
