პოლიციის ოფიცრები ბოლივიაში საპროტესტო დემონსტრაციას შეუერთდნენ. ინფორმაცია ამის შესახებ ადგილობრივმა მედიამ გაავრცელა. ქვეყნის თავდაცვის მინისტრმა, ხავიერ ზაბელეტამ თქვა, რომ ასეთი ფაქტების ერთეული შემთხვევები დაფიქსირდა და მასობრივ დაუმორჩილებლობას ადგილი არ აქვს. მან დემონსტრანტებს სიმშვიდის შენარჩუნებისკენ მოუწოდა.
აქციები ქვეყანაში რამდენიმე კვირაა, მიმდინარეობს. დემონსტრანტები არ ენდობიან არჩევნების შედეგებს, რომლის მიხედვითაც მოქმედმა პრეზიდენტმა, ევო მორალესმა გაიმარჯვა.
