ეროვნული უსაფრთხოების საკითხებში აშშ-ის პრეზიდენტის მრჩევლის პოსტზე 10 კანდიდატურა განიხილება. ინფორმაციას ამის შესახებ CNN საკუთარ წყაროებზე დაყრდნობით ავრცელებს.
მედიასაშუალების ინფორმაციით, ჯონ ბოლტონის შემცვლელად განიხილებიან:
აშშ-ს სპეციალური წარმომადგენელი ირანის საკითხებში ბრაიან ჰუკი;
აშშ-ს თავდაცვის ძალების გენერალ-მაიორი რიკი უოდელი;
აშშ-ს სპეციალური წარმომადგენელი ჩრდილოეთ კორეის საკითხებში სტივენ ბიგანი;
ადმინისტრაციულ-საბიუჯეტო სამმართველოს ხელმძღვანელის მრჩეველი ნაციონალური უსაფრთხოების საკითხებში რობი ბლერი;
აშშ-ს ელჩი გერმანიაში რიჩარდ გრენელი;
აშშ-ს ელჩი ნიდერლანდებში პიტ ჰუკსტრა;
აშშ-ს ვიცე-პრეზიდენტის, მაიკ პენსის მრჩეველი ნაციონალური უსაფრთხოების საკითხებში კიტ კელოგი;
აშშ-ს თავდაცვის ძალების პოლკოვნიკი დუგლას მაკგრეგორი;
აშშ-ს თავდაცვის ძალების გენერალი ჯეკ კინი;
ჯონ ბოლტონის შტაბის ყოფილი უფროსი ფრედერიკ ფლეიცი.
აშშ-ს პრეზიდენტი მრჩეველს ნაციონალური უსაფრთხოების საკითხებში მომავალ კვირას დანიშნავს.
ელენა ტრეხლებოვა
ავტორი