ევროკავშირის საგარეო პოლიტიკური უწყების ხელმძღვანელმა, ჟოზეპ ბორელმა და აშშ-ის სახელმწიფო მდივანმა, ენტონი ბლინკენმა ისრაელსა და პალესტინაში ძალადობის დასრულების გზები განიხილეს. ამის შესახებ ინფორმაცია ბორელმა Twitter-ის გვერდზე გაავრცელა.
"სახელმწიფო მდივან ენტონი ბლინკენთან ვისაუბრეთ, თუ როგორ შეუძლია ევროკავშირსა და აშშ-ს, ერთობლივად შეიტანონ წვლილი ისრაელსა და პალესტინაში ძალადობის დასრულებასა და დაძაბულობის განმუხტვაში. ჩვენ ასევე გვჭირდება გრძელვადიანი ინიციატივები, რათა კონფლიქტის დინამიკა შევცვალოთ და აღვადგინოთ ყველასთვის მშვიდობიანი მომავალის პერსპექტივა", - განაცხადა ბორელმა.
ცნობილია, რომ 18 მაისს ევროკავშირის საგარეო საქმეთა მინისტრების სხდომა გაიმართება, სადაც ისინი ისრაელსა და პალესტინელებს შორის მიმდინარე მოვლენებს განიხილავენ.
Exchanged with @SecBlinken on how EU and US can jointly contribute to end violence in Israel and Palestine and reduce tensions.
— Josep Borrell Fontelles (@JosepBorrellF) May 18, 2021
Looking beyond, we also need longer term initiatives to break the dynamics of conflict and revive the prospect of a peaceful future for all.
