დიდი ბრიტანეთის პრემიერ-მინისტრი ბორის ჯონსონი მზრუნველობამოკლებულ სახლებში კორონავირუსით გარდაცვლილთა გამო ბოდიშს არ მოიხდის.
პრემიერ-მინისტრის თქმით, ზოგიერთმა თავშესაფარმა არ დაიცვა მითითებული ზომები, უგულებელყო პროცედურები, რომლებიც კოროვირუსის გავრცელების შესაჩერებლად იყო შემუშავებული.
ბრიტანეთის ლეიბორისტული პარტიის ლიდერი კირ სტარმერი პრემიერ-მინისტრს დაუპირისპირდა და მოსთხოვა, რომ თავშესაფრის მომვლელთათვის ბოდიში მოეხადა.
"მე არ ვადანაშაულებ თავშესაფრის მომვლელებს, სინამდვილეში ეს არის ის, რომ ჩვენ ახლა ვიცით, რომ ვირუსი უსიმპტომოდ მიმდინარეობს, რაც ადრე არ ვიცოდით", - დასძინა მან.
შეგახსენებთ, ბრიტანეთის პრემიერ-მინისტრმა ერთ-ერთ შეხვედრაზე კითხვას, თუ რატომ არის მზრუნველობამოკლებულ თავშესაფრებში კორონავირუსით გარდაცვლილთა მაღალი მაჩვენებელი, ასე უპასუხა: ”ჩვენ ძალიან ბევრი სახლი აღმოვაჩინეთ, რომლებიც პროცედურებს ისე არ იცავენ, როგორც საჭიროა”.
თეკო გიორგაძე
ავტორი