დიდი ბრიტანეთის პრემიერ-მინისტრი ბორის ჯონსონი ქვეყანაში ხანგრძლივი შეზღუდვების შემსუბუქების შემდეგ ფაბში წავიდა და ლუდი დალია. მედიის კამერებმა პრემიერი ქალაქ ვულვერჰემპტონის ბარში დააფიქსირეს, სადაც ის სამუშაო ვიზიტით იმყოფებოდა.
Great to be back at the pub again, and to see so many reunited with friends and family.
— Boris Johnson (@BorisJohnson) April 19, 2021
Weâve worked so hard to get to this point. Letâs keep going. Remember hands, face, space & fresh air. pic.twitter.com/g3ApAkpNNM
ბორის ჯონსონი ფაბში წასვლას 12 აპრილს, შეზღუდვების შემსუბუქების პირველსავე დღეს გეგმავდა, თუმცა პრინცი ფილიპის გარდაცვალებამ ეს შემთხვევა გადაწია.
პრემიერ ბარში თან ბირმინგემის მერი ენდი სთრითი ახლდა.
დიდი ბრიტანეთში შემსუბუქების მეორე ეტაპი 12 აპრილს დაიწყო. ბარებმა, რესტორნებმა, მაღაზიებმა, სილამაზის სალონებმა, სპორტულმა დარბაზებმა და ბიბლიოთეკებმა, გარკვეული რეგულაციების დაცვით, ისევ განაახლეს მუშაობა. ბარებსა და რესტორნებში მომსახურება ღია სივრცეშია დაშვებული. გაიხსნა სკვერები და პარკები. შემსუბუქების მესამე ეტაპი 17 მაისიდან იგეგმება და ვარაუდობენ, რომ რესტორნები და ბარები კლიენტების მომსახურებას უკვე დახურულ სივრცეშიც შეძლებენ.
ვიდეო: No Comment TV
მედეა ცხოვრებაძე
ავტორი