ბრაზილიაში, ქალაქ საუდადისში საბავშვო ბაღზე თავდასხმა მოხდა. შედეგად ხუთი ადამიანი, მათ შორის სამი მცირეწლოვანი გარდაიცვალა.
სკოლამდელი აღზრდის დაწესებულებაში მაჩეტეთი შეიარაღებული 18 წლის მოზარდი შეიჭრა და სამ ბავშვსა და დაწესებულების ორ თანამშრომელს სასიკვდილო ჭრილობები მიაყენა.
გავრცელებული ცნობით, თავდამსხმელმა თავის მოკვლა სცადა, თუმცა ის სამართალდამცველებმა დააკავეს. თავდასხმის მოტივი ჯერჯერობით უცნობია.
შტატში, სადაც ქალაქი საუდადისი მდებარეობს სამდღიანი გლოვა გამოცხადდა.
