ბოლო რამდენიმე კვირის განმავლობაში ახალი კორონავირუსით ბრაზილიის ამაზონის სულ მცირე 60 აბორიგენი გარდაიცვალა. ამის შესახებ ბრაზილიის ამაზონის მკვიდრი ერების ორგანიზაციების კოორდინაციაში (COIAB) განაცხადეს.
ორგანიზაციის ინფორმაციით, დღეისთვის ამაზონის რეგიონში COVID-19-ით ინფიცირების 212 დადასტურებული შემთხვევა და გარდაცვალების 60 ფაქტი ფიქსირდება.
ბოლო ორი დღე-ღამის განმავლობაში ლეტალური შედეგები დაფიქსირდა ბარეს, კოკამის, მაკუშის, მუდურუკის და ტემბეს ერებში. ჯამში COVID-19 ბრაზილიის ამაზონის 23 ერის წარმომადგენლებში გავრცელდა.
