ბრაზილიის პრეზიდენტი, ჟაირ ბოლსონარუ ჯანდაცვის მსოფლიო ორგანიზაციიდან გასვლით იმუქრება. გამოცემა France Presse-ის ცნობით, ბოლსონარუ ჯანმო-ს იდეოლოგიურ მიკერძოებულობაში ადანაშაულებს.
ეს განცხადება ჟაირ ბოლსონარუმ მას შემდეგ გააკეთა, რაც ჯანმო-ს წარმომადგენელმა, მარგარეტ ჰარისმა ჟენევაში გამართულ პრესკონფერენციაზე კორონავირუსის გამო დაწესებული შეზღუდვების ნაადრევი მოხსნის საფრთხეზე გაამახვილა ყურადღება. აღნიშნული განცხადების შემდეგ, ბოლსონარუმ მედიასთან საუბარისას აღნიშნა, რომ ბრაზილია ჯანდაცვის მსოფლიო ორგანიზაციიდან გასვლის საკითხს განიხილავს.
"აშშ-მა უკვე დატოვა ორგანიზაცია, ორგანიზაციის დატოვების საკითხს ჩვენც გავიხილავთ. თუ ორგანიზაცია იდეოლოგიური მიუკერძოებლობის გარეშე არ იმუშავებს მას ჩვენც დავტოვებთ", - განაცხადა ბოლსონარუმ.
აშშ-ს პრეზიდენტმა დონალდ ტრამპმა 29 მაისს განაცხადა, რომ ქვეყანა ჯანდაცვის მსოფლიო ორგანიზაციასთან ურთიერთობას წყვეტს.
