ბრაზილიის პრეზიდენტმა, ჟაირ ბოლსონარუმ განაცხადა, რომ იგი კორონავირუსის საწინააღმდეგო ვაქცინის ჩატარებას არ აპირებს.
"მე ვაქცინას არ ჩავიტარებ. საფრთხე ემუქრება ჩემს სიცოცხლეს? ეს არის ჩემი პრობლემა", - განაცხადა მან.
პრეზიდენტს მიაჩნია, რომ ვაქცინაცია სავალდებულო არ უნდა იყოს და ის მხოლოდ ადამიანის სურვილზე უნდა იყოს დამოკიდებული. გარდა ამისა, ბოლსონარუმ ეჭვქვეშ დააყენა პირბადის ტარების ეფექტურობა, როგორც COVID-19-ისგან დაცვის საშუალება.
ივლისის დასაწყისში ბოლსონარუს კორონავირუსი დაუდასტურდა, თუმცა პოლიტიკოსი ერთი კვირის შემდეგ სამსახურში გამოცხადდა.
ბოლო მონაცემებით, კორონავირუსის გავრცელებიდან დღემდე ბრაზილიაში COVID-19-ის, სულ მცირე, 7 მილიონი შემთხვევა დაფიქსირდა, გარდაიცვალა 183 ათასი პაციენტი და 6 მილიონზე მეტი ადამიანი გამოჯანმრთელდა.
თეკო გიორგაძე
ავტორი