ბრაზილიის პრეზიდენტი ჟაირ ბოლსონარუ პირბადის ტარების წესის დარღვევის გამო დააჯარიმეს. ამის შესახებ ადგილობრივი მედია იუწყება.
გამოცემის ცნობით, პრეზიდენტი ხალხმრავალ შეკრებაზე პირბადის გარეშე გამოცხადდა. გავრცელებული ინფორმაციით შეკრებას 100-ზე მეტი ადამიანი ესწრებოდა.
ამასთან, ადგილობრივი გამოცემები აღნიშნავენ, რომ პრეზიდენტის მონაწილეობით შეკრება მას შემდეგ შედგა, რაც იმ რეგიონში კორონავირუსის "ინდური" შტამის ექვსი შემთხვევა დადასტურდა.
პანდემიის დაწყებიდან დღემდე, ბრაზილიაში COVID-19-ის 16 მილიონზე მეტი შემთხვევა დაფიქსირდა. ვირუსით გარდაცვლილთა რიცხვი 448 ათასს აღემატება.
