ნოტინგჰემშირში, მანსფილდში პოლ ლივერსს პოლიციის 2 ოფიცერი კორონავირუსის სიმპტომების შესახებ ეკითხებოდა, როცა მამაკაცმა სამართალდამცავებს შეაფურთხა. ახლა კი, მას ციხეში 12 თვის გატარება მოუწევს, რადგან საგანგებო სამსახურის მუშაკებზე თავდასხმაში დაადანაშაულეს.
ნოტინგჰემშირის პოლიციის განცხადებით, დამნაშავეს კორონავირუსი არ აღმოაჩნდა, ოფიცრები კი, თავს კარგად და უსაფრთხოდ გრძნობენ.
ლივერსს სასჯელი ნოტინგემის მაგისტრატის სასამართლოში, დაპატიმრებიდან მესამე დღეს გამოუტანეს.
პროკურატურის ინფორმაციით, კორონავირუსის ამგვარად "გამოყენებისა" და საგანგებო სამსახურის მუშაკებისადმი უხეშად მოპყრობისთვის დამნაშავეს სერიოზული სანქციები დაეკისრება.
ანი იმედაძე
ავტორი