ბრიტანეთში კორონავირუსისაგან გამოჯანმრთელებული პაციენტების ნაწილსა და იმ პირებს, რომლებიც კორონავირუსით ხანგრძლივი პერიოდის განმავლობაში არიან ინფიცირებულნი უცნაური სიმპტომი აღენიშნებათ - ისინი არარსებულ სუნს გრძნობენ.
ბრიტანეთის ოტორინოლარინგოლოგთა ასოციაციის (ENT UK) პრეზიდენტის ნირმალ კუმარის განცხადებით, ამ სიმპტომს პაროსმია ეწოდება.
Sky News-ის ცნობით, პაციენტები "უსიამოვნო მოტკბო სუნს" უჩივიან, რომელიც გოგირდის ან თევზის სუნს წააგავს.
ნირმალ კუმარმა განმარტა, რომ კორონავირუსი ადამიანის ცხვირის ღრუს ნერვულ უჯრედებზე მოქმედებს და მათ ფუნქციონირებას არღვევს. მან ასევე აღნიშნა, რომ პაროსმია ყველაზე ხშირად ახალგაზრდებში და ინფიცირებულ ადამიანებთან კონტაქტის მქონე ექიმებში აღინიშნება.
