ინგლისის ფეხბურთის ლიგებმა დიდი ბრიტანეთის ხელისუფლებისგან სეზონის განახლების ნებართვა მიიღეს. ამის შესახებ ESPN წერს. კორონავირუსის პანდემიის გამო ის მარტში შეწყდა.
გამოცემის ინფორმაციით, ხელისუფლებამ კარანტინიდან გამოსვლის ეტაპობრივი გეგმა შეიმუშავა, რომლის ერთ-ერთი პუნქტი 1 ივნისიდან მასობრივი ღონისძიებების ჩატარების უფლებას იძლევა. თუმცა ფართომასშტაბიანი სოციალური კონტაქტების არიდების მიზნით, მატჩები მაყურებლის გარეშე გაიმართება, მაყურებელს კი მათი ხილვა ტრანსლაციის შედეგად შეეძლებათ.