ბურკინა-ფასოში სამხედრო ბაზაზე თავდასხმას 35 მშვიდობიანი მოქალაქე და 7 ჯარისკაცი ემსხვერპლა. დაღუპულთა შორის 31 ქალია. ინფორმაციას ამის შესახებ BBC ავრცელებს. მისი ცნობით, თავდასხმა, სავარაუდოდ, ისლამისტებმა მოაწყვეს. თავდასხმაზე პასუხისმგებლობა ჯერჯერობით არც ერთ დაჯგუფებას არ აუღია.
შემთხვევა ქვეყნის ჩრდილოეთ ნაწილი მდებარე სუმას პროვინციაში მოხდა. ადგილობრივი მთავრობის ცნობით, 80 თავდამსხმელი ლიკვიდირებულია.
ბურკინა-ფასოს პრეზიდენტმა მომხდართან დაკავშირებით ქვეყანაში 2-დღიანი გლოვა გამოაცხადა.
