ჩეხეთის ჯანდაცვის მინისტრის პოსტს მთავარი ეპიდემიოლოგი რომან პრიმულა დაიკავებს. ამის შესახებ ჟურნალისტებს ქვეყნის პრემიერ-მინისტრმა, ანდრეი ბაბიშმა განუცხადა.
მედია წერს, რომ პრიმულას თანამდებობაზე დანიშვნის პროცედურას ჩეხეთის პრეზიდენტი მილოშ ზემანი დღეს დაასრულებს და ის მუშაობას ხვალიდან შეუდგება.
-10:41-
ჩეხეთის ჯანდაცვის მინისტრი ადამ ვიოტეზი ქვეყანაში COVID-19-ით ინფიცირებულების რიცხვის მომატების გამო გადადგა. ამის შესახებ მან ჟურნალისტებს განუცხადა.
"ამით მინდა გავუხსნა გზა კორონავირუსის გავრცელებასთან ბრძოლის ახალ გადაწყვეტილებებს", - განაცხადა ვოიტეხმა.
მისი თქმით, მან ამის შესახებ ჩეხეთის პრემიერ-მინისტრს, ანდრეი ბაბიშს უკვე აუწყა.
ბოლო რამდენიმე კვირის განმავლობაში ჩეხეთში კორონავირუსით ინფიცირებულთა რიცხვის მკვეთრი მატება შეინიშნება.