ჩეხეთის პრემიერ-მინისტრის ანდრეი ბაბიშის გადაწყვეტილებით მსხვილი კომპანიებისათვის ყველა თანამშრომლის კორონავირუსზე ტესტირება სავალდებულო იქნება.
მთავრობა აღნიშნულ წინადადებას 1 მარტს განიხილავს. კომპანიები, რომლებიც სავალდებულო ტესტირებაზე უარს განაცხადებენ ჯარიმის სახით 500 000 ჩეხურ კრონს გადაიხდიან.
პრემიერ-მინისტრი მიიჩნევს, რომ დასაქმებულების სავალდებულო ტესტირება საწარმოების სრული დახურვის ალტერნატივას წარმოადგენს.
ეპიდემიის გავრცელებიდან დღემდე ჩეხეთში კორონავირუსით 1 235 480 ადამიანი დაინფიცირდა, ხოლო 20 339 გარდაიცვალა.